Birmingham ka emëruar Wayne Rooney si trajnerin e ri të ekipit. Ish-kapiteni 37-vjeçar i Anglisë i është bashkuar klubit të Championship me një marrëveshje që do zgjasë tre vite e gjysmë. Rooney pason trajnerin e Bluve, John Eustace, i cili u shkarkua të hënën pas 15 muajsh në krye të ekipit.
Emërimi i ish-sulmuesit të Everton dhe Manchester United është ndryshimi i parë drejtues i bërë nga pronarët e rinj amerikanë të Blues, Shelby Companies Limited që kur ata morën drejtimin në korrik.
Rooney do të mbështetet nga ish-shoku i tij i skuadrës në kombëtre dhe asistent aktual i Anglisë U-21 Ashley Cole dhe kolegu i tij i vjetër i United, John O'Shea, njëherazi ndihmës trajneri i ekipit kombëtar të Republikës së Irlandës.
Carl Robinson dhe Pete Shuttleworth do të jenë gjithashtu pjesë e stafit të Rooneyt pasi të dy e asistuan atë në DC United. Kjo do të jetë detyra e tretë e Rooneyt si trajner, pas periudhave në klubin e DC United dhe Derby County, teksa ndeshja e tij e parë do të jetë në Middlesbrough më 21 tetor.
Lajme të tjera
-
Shpalli falimentimin, Birminghami kalon nën mbikëqyrjen e Londrës
21 Shtator 2023, 08:36 -
Qyteti i dytë më i madh në Mbretërinë e Bashkuar shpall falimentimin
6 Shtator 2023, 13:40 -
'Duhet të largohet menjëherë nga PSG', Rooney këshillon Mbappe: Ja ku duhet të shkojë
22 Dhjetor 2022, 22:42 -
Legjenda e ‘djajve të kuq’ i ashpër me Ronaldon: Sjellja e tij është e papranueshme, Kayne nuk do ta kishte duruar dot
12 Nëntor 2022, 13:48
